|
يا عين هلي فوق ذيك النصايـب
دمع الفراق اللى على الروح كايد |
|
هلي بعد صابك من الحزن صايب
يحرم عليك النوم فوق الوسايـد |
|
فجعتني يا موت في ادنى القرايب
فجعتني في محزمـى والسنايـد |
|
أخذت منى ليلـة العيـد شايـب
راع العلـوم الطيبـه والعوايـد |
|
ماغاب ذكره لو عن العين غايب
حبه على نفسي عن الكل زايـد |
|
نور العيون امسا سجين الزرايب
وانا سجين الهم يـوم المعايـد |
|
وآبويه اللي راح رجل النوايـب
اللي فراقه شـب فـي الوقايـد |
|
وش حيلتي غير الدموع الصبايب
وأنعاه وأذكر عزوتي بالقصايـد |
|
راع الكرم والدين ريف القرايـب
زبن الضعيف بليـن ولاّ شدايـد |
|
ياالله انا طالبك من قلـب نايـب
عبدك لفاك وما كسب جاك عايـد |
|
يامخرجه من بين صلب وترايب
تجعله الفردوس في قصر شايـد |
|
الطف بعبدك عن سموم الهايـب
يا خالق الانسان والعمـر بايـد |
|
ولو العيون تهل مثل السحايـب
ما تنطفى حرقـات راع النجايـد |
|
لكن ضمـي دمعتـي يانصايـب
دمع الفراق اللي على الروح كايد |
من لإمارات العربية المتحدة